H.Aslanov adına mərkəzi zabitlər evində Şəhid Əfqan Nəsirovun mövlud günü qeyd olunub (FOTO)

255

TƏŞKİLAT DƏSTƏK: FATEHLER MMC

CİPDH-FD xəbər verir ki,

Martın 29-da 44 günlük Vətən Müharibəsində şəhidlik zirvəsinə ucalan qəhrəman oğullarımızdan biri, Nəsirov Əfqan Ramil oğlunun doğum günü münasibətilə anım mərasimi keçirilib. Həzi Aslanov adına Mərkəzi Zabitlər Evində baş tutan mərasimdə şəhidin ailə üzvləri, döyüş yoldaşları, digər Vətən müharibəsi şəhidlərinin valideynləri, yaxınları, «BMT tərəfdaşı İNSAN HÜQUQLARININ MÜDAFİƏSİ» komitəsinin CİPDH finans deportamentinin rəhbəri general-mayor Firdovsi Ələkbərov,«BMT tərəfdaşı İNSAN HÜQUQLARININ MÜDAFİƏSİ» komitəsinin CİPDH experti mayor Mirdaməd Əzizov,Kömrük Akademiyasının rəisi gömrük xidməti general-mayoru Qulu Novruzov,Gömrük Akademiyasının əməkdaşları və tələbələriDövlət Gömrük Komitəsinin Akademiyasının rəhbərliyi, bir qrup əməkdaşı, tələbələri, dövlət qurumlarının əməkdaşları və ictimaiyyət nümayəndələri iştirak ediblər.

Mərasimdə ilk öncə Azərbaycan Respublikasının Dövlət Himni səsləndirilərək, ölkəmizin ərazi bütövlüyü uğrunda canlarından keçən şəhidlərin xatirəsi bir dəqiqəlik sükutla yad edilib. Daha sonra şəhid Əfqan Nəsirova həsr olunmuş video-çarx nümayiş etdirilib.

Mərasimdə çıxış edən Akademiyanın rəisi gömrük xidməti general-mayoru Qulu Novruzov şəhidlərimizin əbədi ehtirama layiq olduğunu bildirərək şəhidin anasına Vətənimiz üçün ləyaqətli övlad böyütdüyünə görə təşəkkür edib və şəhidin ailə üzvlərinə Allahdan səbir diləyib. Azərbaycan Respublikasının Prezidenti, Ali Baş Komandan İlham Əliyevin rəhbərliyi ilə 44 günlük Vətən müharibəsində qüdrətli Azərbaycan Ordusunun qazandığı tarixi Qələbədən söz açan Akademiya rəisi həmin qələbədə payı olan Əfqan kimi qəhrəman oğullarımızla bu gün hər birimizin qürur duyduğunu bildirib. Qulu Novruzov həmçinin Akademiya tərəfindən şəhid ailələrinin və Vətən müharibəsi qazilərinin daim diqqətdə saxlanıldığını, onlara göstərilən diqqət və qayğının bundan sonra da davam etdiriləcəyini xüsusilə vurğulayıb.

Daha sonra mərasimdə çıxış edənlər torpaqlarımızın azadlığı və bütövlüyü uğrunda canlarından keçən şəhidlərin qəhrəmanlığından, şəhid Əfqan Nəsirovun keçdiyi şərəfli həyat və döyüş yolundan bəhs ediblər.

Tədbirin bədii hissəsində Akademiyanın tələbələri Vətən qəhrəmanlarına həsr edilən şeirlər səsləndiriblər.

Mərasimdən sonra Akademiyanın rəhbərliyi, bir qrup əməkdaşı, tələbələri şəhidin anası və yaxınları ilə birgə Sabunçu rayonu Zabrat qəsəbəsində şəhidin məzarını ziyarət edərək, önünə gül dəstələri düzüb, ruhuna dualar oxuyub, əziz xatirəsini ehtiramla yad ediblər.