ABŞ Prezidenti Co Bayden Suriya ilə bağlı fövqəladə vəziyyət rejimini uzadıb.
Bu barədə Ağ Evin saytında məlumat verilib.
“Suriyadakı vəziyyət, xüsusən də Türkiyə hökumətinin bu ölkənin şimal-şərqinə hərbi hücumu İraq və Suriyada İŞİD-i məğlub etmək kampaniyasını sarsıdır, mülki əhalini təhlükə altına alır, regionun sülh, təhlükəsizlik və sabitliyinə əlavə təhlükə yaradır, ABŞ-ın milli təhlükəsizliyi və xarici siyasəti üçün qeyri-adi və fövqəladə təhdid törətməkdə davam edir. Bu səbəbdən 14 oktyabr 2019-cu il tarixli 13894 saylı sərəncamla elan edilmiş milli fövqəladə vəziyyət 14 oktyabr 2023-cü il tarixindən sonra da qüvvədə qalmalıdır”, — məlumatda qeyd olunub.
